"ხის დარგვა ხომ შეგიძლია, შენც ადექი და ხე დარგე"
ვაჟა-ფშაველა1. პროექტის სახელი: "ხე დარგე"
2. პროექტის მოკლე აღწერა: ჩვენი სკოლის მიმდებარე ტერიტორიის ნაწილი მოშიშვლებული გახლავთ. საჭიროდ ვთვლი ამ ტერიტორიაზე დავრგათ ხეები. საჩრდილობლად და ნახშიროჟანგისა და წყლისგან ორგანული ნივთიერებების წარმოსაქმნელად. მინდა ყოველივე ეს დავუკვშირო ვაჟა-ფშაველას ამეტყველებულ ბუნებას.
3. პროექტის სრული აღწერა: მოსწავლეებმა ქართულ ენასა და ლიტერატურაში შეისწავლეს ვაჟა-ფშაველას ცხოვრება-მოღვაწეობა და შემოქმედება. მათ ისწავლე ვაჟას "ია", "მთის წყარო", "ხმელი წიფელი", "კლდემ მხოლოდ ერთხელ თქვა" და მრავალი სხვა. მათ იციან, თუ რა როლს ასრულებდა ბუნება ვაჟას შემოქმედებაში. ის ამბობს: "ვხედავთ კარგად, ბუნებას რომ თვალები არა აქვს, არც თავი აბია და ტვინი სად ექნება? მაგრამ მისი წესი და რიგი, მისი სიმტკიცე აზრისა და მისწრაფებისა ჩვენ გვაოცებს, გვაკვირვებს, მისი გონიერი მოქმედება ადამიანის გონიერებას ბევრით აღემატება... ყველა დიდებული ადამიანი თვით ამ ბუნებას ჰგავს ღირსებით და ნაკლით". ვაჟასთვის ბუნება ამეტყველებული სამყაროა, მის პოეზიაში მცენარეები ისევე ფიქრობენ, განიცდიან, გრძნობენ და მეტყველებენ როგორც ადამიანები. ჩვენ ადამიანებმა მხოლოდ მოჭრა, განადგურება, ჩეხვა და სამწუხაროდ, დაუნდობლობა ვიცით. არ ვფიქრობთ, რომ მათაც უნდათ სიცოცხლე, არსებობა "ღმერთს ასე დავუწესებივარ" ამბობს მთის წყარო, "რა დაგიშავე ადამიანო" ამბობს შვლის ნუკრი, ხის კვნესას " რაკუნს" ვეძახით, ფესვების სისხლს კი-"ხის წვენს" სწორედ ეს არის მიზეზი, რომ ვაჟამ უტყვი ბუნება ადამიანის დაცემული ბუნების გამო აამეტყველა.
მოსწავლეები გაიხსენებენ განვლილ მასალას ვაჟას შემოქმედებიდან, ისაუბრებენ ბუნების როლზე ადამიანის ცხოვრებაში და მივალთ დასკვნამდე, რომ კი არ უნდა ვჩეხოთ და ვანადგუროთ ბუნება, არამედ უნდა შევიძინოთ ხეხილის ნერგები და დავრგოთ სკოლის მიმდებარე ტერიტორიაზე.მოსწავლეები მასწავლებელან ერთად შეიძენენ ხეხილის ნერგებს და თავისივე ხელით დარგავენ.
4. მონაწილეთა ასაკი: 12-13 წელი.
5. ვადები და ხანგრძლივობა: პროექტი გადანაწილდება 4-5 დღეზე.
6. პროექტის შესაძლო აქტივობები კლასში: ჩართულობა, პრეზენტაცია, ჯგუფური მუშაობა.
7. მოსალოდნელი შედეგები: სკოლის მიმდებარე ტერიტორია შეივსება ხეხილის ხეებით, სადაც ყველა მოსწავლე თავისი ხელით მოწყვეტს და მიირთმევს ხეხილს, გამოიყოფა მეტი რაოდენობით ჟანგბადი, დაიჩრდილება და გალამაზდება მიმდებარე ტერიტორია და მოსწავლე უფრო მეტად შეიყვარებს და გაუფრთხილდება თავისი პატარა ხელებით დარგულ პატარა ნერგს და დაელოდება ნაყოფს.
8. სარგებელი სხვებისთვის: აღნიშნული პროექტი არა მარტო თანამედროვე თაობისთვის, არამედ მომავალი თაობისთვისაც სასარგებლოა.
9. საგნებთან, საგნობრივ ჯგუფებთან, ეროვნულ სასწვალო გეგმასთან კავშირი: ეროვნული სასწავლო გეგმა ქართ. IX.1. მოსწავლე ისმენს და წარმოადგენს აუდიტორიის წინაშე სხვადასხვა თვალსაზრისებს სადავო ან პრობლემუს საკითხზე. IX.2; IX.4; IX.5; IX.9; IX.10;
10. პროექტის ავტორი: თამარ მარგიანი.
11. ელ.ფოსტა: tamarm43@gmail.com
12. პროექტის ვებ-გვერდი/ბლოგი: www.tamarm43.blogspot.com
13. შეფასების რუბრიკა
ბუნება არა მხოლოდ ჰარმონიის წყაროა, ის არის "გონიერი" საწყისიც
"ღმერთს ასე დაუწესებივარ..."
"რა კარგია სიცოცხლე!" 
კლდის საწუხარი:: "გიყვარდეთ, კაცნო, ერთმანეთი:
"ხის დარგვა ხომ შეგიძლია, შენც ადექი და ხე და ხე დარგე!" 
"ხ
